காதலர் தினத்தன்று ரசிகர்களுக்கு ட்ரீட் கொடுக்கும் அமலா பால்!!

V4U MEDIA [ Mon, Jan 27, 2020 ]

முன்னதாக ஹீரோக்கள் மட்டுமே சண்டை காட்சிகளில் மாஸாக சண்டையிட்டு வில்லன்களை வீழ்த்துவார்கள், கதாநாயகிகள் பொதுவாக காதல் காட்சிகளில் மட்டுமே நடித்து வந்த நிலையில். இன்றைய காலத்து மார்டன் நடிகைகள் கடுமையாக பயிற்சி பெற்று, தங்கள் ஸ்டண்ட் மற்றும் சாகச காட்சிகளை முழுமையாக்குகிறார்கள். அண்மையில் தனுஷ் நடித்த 'பட்டாஸ்' படத்தில் பண்டைய தமிழ் தற்காப்பு கலையான "அடிமுறையில்" யில் நடிகை சினேகா பயிற்சி பெற்றார், இது படத்தில் ஒரு முக்கிய சிறப்பம்சமாகும்.

சமீபத்தில் ஜாக்பாட் படத்தில் ஜோதிகா மற்றும் ரேவதி பல சண்டை காட்சிகளில் கலக்கினார்கள். இப்போது கே.ஆர். வினோத் இயக்கிய ' "அதோ அந்த பறவை போல படத்தில் முழு அதிரடி கதாபாத்திரத்தில் களமிறங்கியுள்ளார் அமலா பால். இந்த படத்தின் சுவாரஸ்யமான டிரெய்லர் சனிக்கிழமை வெளியிடப்பட்டது, ட்ரைலர் மக்களிடம் நல்ல வரவேற்பை பெற்றுள்ளது. 

இராணுவ வீரர்கள் பரவலாகப் பயன்படுத்தப்படும் இஸ்ரேலில் தோன்றிய கிராவ் மாகா தற்காப்புக் கலைகளில் அமலா பால் பயிற்சி பெற்றதாகவும், படத்தில் சண்டைகளை செய்வதில் தனது உயிரைப் பணயம் வைத்துள்ளதாகவும் இயக்குனர் வினோத் பகிர்ந்துள்ளார். ஜோன்ஸ் தயாரித்த இப்படத்திற்கு ஜேக்ஸ் பெஜோய் இசையமைத்துள்ளார், சாந்தகுமார் சி ஒளிப்பதிவு மற்றும் ஜான் ஆபிரகாம் எடிட்டிங். இப்போது அதோ அந்த பறவை போல திரைப்படம் வருகிற பிப்ரவரி 14ஆம் தேதி வெளியாகும் என்று அறிவிக்கப்பட்டுள்ளது.





Latest News